එම ව්‍යාපෘතිය යටතේ රත්නපුර, ඇලපාත, පළාවෙල ස්ථාපිත කළ නව ජංගම ප්‍රාථමික සෞඛ්‍ය සේවා මධ්‍යස්ථානය පසුගියදා ජනතා අයිතියට පවරනු ලැබීය.
ගංවතුර සහ නායයාම් බහුල ප්‍රදේශවල ස්ථාපිත කරනු ලබන මෙම සෞඛ්‍ය මධ්‍යස්ථාන තුළ ළමා හා මාතෘ ඇතුළු සායන රැසක් ක්‍රියාත්මක වේ.
පළාවෙල නව සෞඛ්‍ය මධ්‍යස්ථානය ස්ථාපිත කර ඇත්තේ 2003 වර්ෂයේ නාය යාමට ලක්වූ ඇලපාත පළාවෙල ප්‍රදේශ මුල් කර ගනිමිනි. එම නායයාමෙන් 2003 වර්ෂයේ අබේපුර ගම්මානයම විනාශට පත්ව පුද්ගලයින් 88 දෙනෙකු පමණ මියගොස් පවුල් 190 ක් පමණ අවතැන් විය. එම පවුල්වල අවතැන්වූ ප්‍රජාව වෙනුවෙන් කොරියානු රජය මගින් ඉදි කළ චෝගේ ගම්මානය ද පිහිටා ඇත්තේ මෙම ජංගම සායනය ආසන්නයේය.
