විදුලි සංදේශ හා තොරතුරු තාක්ෂණ අමාත්‍යාංශය විසින් පිහිටවනු ලැබූ නැණසල භාරකරුවන්, ඊ ශිල්පාගාර භාරකරුවන්, මහින්දෝදය විද්‍යාගාර නිලධාරීන්, රජයේ විවිධ ආයතනවල පරිගණක කටයුතු සම්බන්ධ නිලධාරීන් හා දිස්ත්‍රික්කයේ පරිගණක මධ්‍යස්ථාන පවත්වාගෙන යන පිරිස් මූලික කර ගනිමින් මෙම කතිකාව ආරම්භ කෙරුණ අතර, තොරතුරු තාක්ෂණ ක්ෂේත්‍රය සම්බන්ධයෙන් දිස්ත්‍රික්කයේ වර්තමාන තත්ත්වය, මේ වන විට පවතින ගැටලු හා ආයතන මට්ටමින් මුහුණ දී ඇති ගැටලු සඳහා මෙහි දී වැඩි අවධානයක් යොමු කෙරිණි.
මේ අවස්ථාව සඳහා විදුලි සංදේශ හා තොරතුරු තාක්ෂණ අමාත්‍ය රංජිත් සියඹලාපිටිය, විදුලි සංදේශ හා තොරතුරු තාක්ෂණ අමාත්‍යංශයේ ලේකම් ගෝඨාභය ජයරත්න, කෑගල්ල දිස්ත්‍රික් ලේකම් තුසිත පී. වනිගසිංහ යන මහත්වරුන් ඇතුළු විශාල පිරිසක් සහභාගී වී සිටියහ.
ECB/LT_dmu_Kegalle
