සමාජ සවිබලගැන්වීම්, සුභසාධන හා කදුරට උරුමය පිළිබද අමාත්‍යාංශය යටතේ ඇති සමෘද්ධි සංවර්ධන දෙපාර්තමේන්තුව විසින් ක්‍රියාත්මක කරන මහනුවර අංකෙලිපිටිය පානීය ජල යෝජනා ක්‍ර‍මයට මුල් ගල් තැබීමේ උත්සවය ඔක්තෝබර් 19 වෙනි බ්‍ර‍හස්පතින්දා අද පැවැත් වේ.
රුපියල් ලක්ෂ 800ක වියදමින් ක්‍රියාත්මක කරන මෙම ජල යෝජනා ක්‍ර‍මය හේතුවෙන් ග්‍රාම නිලධාරි වසම් 08ක පවුල් 3000කට සෙත සැලසේ.
සමාජ සවිබලගැන්වීම් , සුභසාධන හා කදුරට උරුමය පිළිබද අමාත්‍ය එස්.බී . දිසානායක මහතාගේ ප්‍ර‍ධානත්වයෙන් පැවැත්වෙන මෙම උත්සවයට මධ්‍යම පලාත් ප්‍රධාන අමාත්‍ය සරත් ඒකනායක මහතා ඇතුළු ප්‍රාදේශීය හා පළාත් දේශපාලඥයන් රැසක් ද , සමෘද්ධි අධ්‍යක්ෂ ජනරාල්වරයා ඇතුළු උසස් නිලධාරින් රැසක් ද සහභාගි වේ.
උත්සවය 19 වන දින පෙ.ව.9.00ට අංකෙලිපිටිය බෙල්වූඩ් මංසන්දියේ දී පැවැත් වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
