සබරගමුව ආණ්ඩුකාරවර ජනාධිපති නීතීඥ මාර්ෂල් පෙරේරා මහතා පසුගිය දා පළාත් ආණ්ඩුකාර කාර්යාලයේ දී මෙම දරුවන් ඇගයීමට ලක් කෙරිණි.
ශිෂ්‍යත්වයෙන් ලකුණු 197 ලබාගත් වරකාපොල ප්‍රාථමික විද්‍යාලයේ ටී.එම්. සංජන නයනජිත් තෙන්නකෝන් ශිෂ්‍යා සඳහා සබරගමුව පළාත් සභා අරමුදලින් රුපියල් පනස්දහසක මූල්‍ය පරිත්‍යාගයක් ද ආණ්ඩුකාරවරයා විසින් මෙදින ප්‍රදානය කරනු ලැබීය.
නාය යෑමෙන් නිවාස අහිමි වූ ඩබ්.ඒ. සේමිනි ධවනි විජේසූරිය සහ ජී. ආකාශ් තරුෂිකා විජයවර්ධන යන දරුවන් සඳහා රුපියල් විසිපන්දහස බැගින් මූල්‍ය පරිත්‍යාගයන් ද සිදු කරනු ලැබීය.
මෙම දරුවන්,මේ වන විටත් රැඳී සිටින්නේ අරණායක කඳවුරු තුළය.
ඩබ්.ඒ. සේමිනි ධවනි විජේසූරිය ශිෂ්‍යාව ශිෂ්‍යත්ව විභාගයෙන් ලකුණූ 185 ක්ද, ජී.ආකාශ් තරුෂිකා විජයවර්ධන 171 ලබා ගෙන තිබිණි.
එම දරුවන් දෙදෙනා මාවනැල්ල උස්සාපිටිය ශ්‍රී සුමංගල කණිෂ්ඨ විද්‍යාලයේ ඉගෙනුම ලබයි.
