නොවැම්බර් 23, 2024
පොලොන්නරුව, දිඹුලාගල අධ්‍යාපන කලාපයේ අ.පො.ස. උසස් පෙළ විෂය ධාරාවන් ඉගැන්වෙන පාසල් 23ක 12 ශ්‍රේණියේ නවක සිසු සිසුවියන් සඳහා අධ්‍යාපන මාර්ගෝපදේශන වැඩමුළු මාලාවක් පැවැත්වීමට උතුරු මැද පළාත් මනෝ සමාජීය උපදේශන සේවා අංශය පියවර ගෙන ඇත.
මෙහිදී උසස් පෙළ හදාරණ නවක සිසුන් සඳහා විෂය ධාරාවක් හඳුන්වාදීම, ඒ ඒ විෂය ධාරාවන් තුළින් විශ්වවිද්‍යාල වරම් ලැබීම සඳහා වාසිදායක වන ලෙස විෂයයන් සංශෝධනය කර ගන්නේ කෙසේද යන්න පිළිබඳ සිසු සිසුවියන් දැනුවත් කිරීම මින් අපේක්ෂා කෙරේ.
මීට අමතරව විශ්වවිද්‍යාල ප්‍රවේශය සඳහා ලබා ගන්නා ඉසෙඩ් අගය පිළිබඳව ද විශ්වවිද්‍යාල ප්‍රතිපාදන කොමිසම මඟින් නිකුත් කරන විශ්වවිද්‍යාල ප්‍රවේශපත්‍ර පිළිබඳ ව මෙහිදී දැනුවත් කෙරිණි.
උතුරු මැද පළාත් මනෝ සමාජීය මැදිහත්වීම හා උපදේශන සේවා අංශයේ ඩී.කේ.කේ. ලක්ෂ්මන් මහතාගේ මගපෙන්වීම යටතේ මේ වැඩමුළු මාලාව පැවැත්විණි. දිඹුලාගල කලාප අධ්‍යාපන අධ්‍යක්ෂ එන්.එම්.කේ.බී. නවරත්න මහතාගේ මෙහෙයවීම මත විෂය අධ්‍යක්ෂක එල්.ඩී. ගුණවර්ධන, මාර්ගෝපදේශන අංශයේ නිලධාරීන් වන එස්.එම්.පී. බණ්ඩාර හා ආර්.එම්. විමලසිරි යන මහත්වරුන්ගේ සහභාගිත්වයෙන් මෙය ක්‍රියාවට නැංවිණි.
NDH/WK-BG dmu polonnaruwa
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
