ආසියානු රටවල් 30කින් පැමිණි මහජන නියෝජිතයින් 70ක් හා ශ්‍රී ලංකාවේ මැති ඇමැතිවරුන් 20 දෙනෙකුට අධික පිරිසකගේ සහභාගීත්වයෙන් මෙම රැස්වීම පැවැත්විණි.
මෙම මහ සභා රැස්වීමේදී සාමාජික රටවල ජනගහනය හා සංවර්ධනය පිළිබඳ ඉදිරියේදී ක්‍රියාත්මක කිරීමට යෝජිත හා දැනට ක්‍රියාත්මක කර ඇති නව අන පනත් පිළිබඳ ඒ ඒ රටවල නියෝජිතයින් විසින් මහ සභාව දැණුවත් කිරීම සිදු කෙරේ.
මීට අමතරව මෙම සමුළුවේදී ස්ත්‍රී පුරුෂ සමාජ භාවය, වැඩිහිටි ජනතාව රටක සංවර්ධනයට දායක කර ගැනීම, තාරුණ්‍යය ආයෝජනය වැනි කරුණු පිළිබඳවද වැඩි අවධානයක් යොමු කරනු ඇත.
සංවර්ධනය හා ජනගහනය පිළිබඳ ශ්‍රී ලංකා පාර්ලිමේන්තු මන්ත්‍රී සංසදයේ සභාපති අමාත්‍ය එස්.බී. දිසානායක මහතාගේ මූලිකත්වයෙන් සමාජ සවිබලගැන්වීම් සුබසාධන හා කඳුරට උරුමය පිළිබඳ අමාත්‍යාංශය මෙම සමුළුව සංවිධානය කොට තිබුණි.
