අප්‍රේල් 29, 2024
මාතර දිස්ත‍්‍රික්කයේ ලක්‍ෂ තුනකට ආසන්න ළමා ජනගහනයක් ජීවත්වන අතර ඔවුන්ගේ සුරක්‍ෂිතතාව හා අනාගත අභිවෘද්ධිය උදෙසා විවිධ තීන්දු තීරණ ගන්නා මාතර දිස්ත‍්‍රික් ළමා සංවර්ධන කමිටු රැස්වීම මාතර දිස්ත‍්‍රික් ලේකම් ඊ.ඒ.සී. විදානගමාච්චි මහත්මියගේ ප‍්‍රධානත්වයෙන් ලබන 10දා පෙ. ව. 9.00ට මාතර දිස්ත‍්‍රික් ලේකම් කාර්යාලීය ගාමිණී ජයසේකර ශ‍්‍රවණාගාරයේදී පැවැත්වීමට කටයුතු සූදානම්කර ඇත.
තෙවන වරටත් පවත්වන මේ සාකච්ඡාවේදී ළමා අපචාර, ළමා අපයෝජන, ළමයින්ට එරෙහි ප‍්‍රචණ්ඩත්වය සහ ළමා හිංසනය ආදිය අවම කර ගැනීම සඳහා දිස්ත‍්‍රික්කයක් වශයෙන් ගත හැකි ක‍්‍රියාමාර්ග පිළිබඳව අවධානය යොමු කෙරේ. එසේම ළමයින් වෙනුවෙන් ක‍්‍රියාත්මක කරන ළමා සුබසාධන වැඩසටහන් හා ඒවායේ ගුණාත්මක භාවය පිළබඳව ද මෙහිදී සාකච්ඡා කිරීමට නියමිතය.
මාතර දිස්ත‍්‍රික්කයේ සියලුම ප‍්‍රාදේශීය ලේකම්වරුන් ඇතුළු ළමා සංවර්ධන ක්ෂේත‍්‍රයට සම්බන්ධ සියලුම රාජ්‍ය නිලධාරීන්, රාජ්‍ය නොවන සංවිධාන හා පොලිසිය මේ අවස්ථාවට සහභාගිවීමට නියමිත ය.
NDH/TI-dmu matara
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
