අමාත්‍යවරයා මෙම අදහස් පළ කළේ මොණරාගල දිස්ත්‍රික්කයේ තෝරාගත් පවුල් 250ක් වෙනුවෙන් රුපියල් මිලියන 35ක් වටිනා ජන සෙවණ නිවාස මූල්‍යාධාර ප්‍රදානය කිරීමේ හා ඉදිකිරීම් අභ්‍යාස හා සංවර්ධන ආයතනය මගින් පුහුණුව ලැබු වඩු හා පෙදරේරු කාර්මික ශිල්පීන් 150 දෙනෙකු සඳහා සහතික පත්‍ර ප්‍රදානය කිරීමේඅවස්ථාවට ප්‍රධාන අරාධිතයා වශයෙන් අද (06) දින සහභාගි වෙමිනි. මෙම උත්සවය මොණරාගල පුස්තකාල ශ්‍රවණාගාරයේදී පැවැත්විණ.
මෙහිදි වැඩිදුරටත් අදහස් දැක්වු විමල් වීරවංශ අමාත්‍යවරයා “මීට පෙර යුද්ධය පැවති අවස්ථාවේදී එක්සත් ජාතික පක්ෂය විසින් බුද්ධි අංශ සාමාජිකයින්ගේ තොරතුරු අනාවරණය කර පාවා දුන් බවත් එහිදි කොටි ත්‍රස්තවාදීන් විසින් බුද්ධි අංශ සාමාජිකයින් ඝාතනය කළ බවත් මංගල සමරවීර මන්ත්‍රීවරයා අද සිදුකරමින් සිටින්නේද එදා එක්සත් ජාතික පක්ෂය සිදුකළ ක්‍රියාවලියම බවද” විමල් වීරවංශ අමාත්‍යවරයා වැඩිදුරටත් පෙන්වා දුන්නේය.
HC/moc
