රත්නපුර දිස්ත්‍රික් ලේකම් සුනිල් කන්නන්ගර මහතාගේ කැදවීමෙන් රත්නපුර හිදැල්ලන සප්තපාදී ශාලාවේදී පැවැති රත්නපුර දිස්ත්‍රික් සම්බන්ධීකරණ කමිටු රැස්වීමේදී අමාත්‍යවරයා මේ බව පැවසීය.
දක්ෂිණ අධිවේගී මාර්ගය භාවිත කරන්නන්ට එහි සිට රත්නපුර දක්වා ඒමට ගතවන කාල ප්‍රමාදය වලක්වා සංවර්ධන ක්‍රියාවලියේදී කාර්යක්ෂමතාව ඉහළ නංවාලීමද අනිකුත් ආර්ථික කටයුතු නංවාලීමටද ජනතාවට පහසු ගමනාඑගමනයක් සලසාලීමටද මේ තුළින් හැකිවන්නේ යැයි අමාත්‍ය ඩබ්.ඩී.ජේ. සෙනෙවිරත්න මහතා වැඩි දුරටත් පැවැසීය.
මෙහිදී මාර්ග සංවර්ධන අධිකාරියේ අධ්‍යක්ෂ ජනරාල් ඩබ්.ඒ.එස්. වීරසිංහ සහ උතුරු අධිවේගී මාර්ගයේ ව්‍යාපෘති අධ්‍යක්ෂ වී.ඊ.එල්. වීරකොන් යන මහත්වරු ද සිය අදහස් පැවසූහ. මෙම අවස්ථාවට විදුලිබල හා බලශක්ති අමාත්‍ය පවිත්‍ර වන්නිආරච්චි මහත්මියද දිස්ත්‍රික් පාර්ලිමේන්තු මන්ත්‍රිවරුන්ද පළාත් සභා මන්ත්‍රිවරුන් ඇතුළු මහජන නියෝජිතයින්ද සබරගමුව පළාත් සභාවේ ලේකම් හේරත් පී. කුලරත්න, රත්නපුර අතිරේක දිස්ත්‍රික් ලේකම් දයානන්ද කොළඹගම, දිස්ත්‍රික් සැලසුම් අධ්‍යක්ෂ ඩබ්.පී. සමන්තිලක යන මහත්වරුන් ඇතුළු රත්නපුර දිස්ත්‍රික් හා පළාත් සභා රාජ්‍ය ආයතන හා දෙපාර්තමේන්තු ප්‍රධානීන් රැසක්ද සහභාගි වු බව රත්නපුර දිස්ත්‍රික් අප මාධ්‍ය ඒකකය පවසයි.
ECB/SW/NR_dmu_Rathnapura
