මෙයට සමගාමීව තවත් ප්‍රතිලාභී පවුල් 50ක් සඳහා හිමිකම් ඔප්පු ප්‍රදානය කිරීම ද, ඉදිකිරීම් අභ්‍යාස හා සංවර්ධන ආයතනය (ICTAD) මඟින් පුහුණුව ලබා ගත් වඩු හා පෙදරේරු කාර්මික ශිල්පීන් 150 දෙනෙකු සඳහා සහතිකපත්‍ර ප්‍රදානය කිරීම ද මෙහිදී සිදු කිරීමට නියමිතය.
මහින්ද චින්තන ඉදිරි දැක්ම අනුව විමල් වීරවංශ අමාත්‍යවරයාගේ උපදෙස් පරිදි ක්‍රියාත්මක "ජනසෙවණ" නිවාස හා ජනාවාස සංවර්ධන මෙහෙයුමට සමගාමීව මෙම මූල්‍යාධාර, ඔප්පු හා සහතිකපත් ප්‍රදානය සිදු කෙරේ.
වනජීවී සම්පත් සංරක්ෂණ අමාත්‍ය ගාමිණී විජිත් විජයමුණි ද සොයිසා, පොල් සංවර්ධන හා ජනතා වතු සංවර්ධන අමාත්‍ය ජගත් පුෂ්ප කුමාර, පාර්ලිමේන්තු කටයුතු පිළිබඳ ඇමතිනී සුමේධා ජී. ජයසේන, ඌව පළාත් ප්‍රධාන අමාත්‍ය ශෂීන්ද්‍ර රාජපක්ෂ මහත්ම මහත්මීන්, ප්‍රාදේශීය දේශපාලඥයින්, ප්‍රතිලාභීන් හා ප්‍රදේශවාසීන් ඇතුළු විශාල පිරිසක් මෙම අවස්ථාවට සහභාගීවීමට නියමිතය.
DB
