එම විවෘත කිරීම් අතර නොමේරූ ළදරු ඒකකයක්, රුධිර පරීක්ෂණ මධ්‍යස්ථානයක් හා වාහන නඩත්තු අංගනයක් වේ. රසායනාගාර උපකරණ පරිත්‍යාග කිරීම සහ උගුර, කන, නාසය ආදී ඉන්ද්‍රියන් පරීක්ෂණයට අවශ්‍ය උපකරණ පරිත්‍යාග කිරීම සහ රෝහල් වාට්ටු සංකීර්ණ නිරීක්ෂණය කිරීම ද සෞඛ්‍ය අමාත්‍යවරයා අතින් සිදු විය.
මෙහිදී වැඩිදුරටත් අදහස් දැක් වූ අමාත්‍ය මෛත්‍රීපාල සිරිසේන මහතා, අද වන විට අපගේ සෞඛ්‍ය සේවාව ලොව පුරා ඉහළ ඇගයීමකට ලක්ව ඇති බව සඳහන් කළේය. එමෙන් ම මෑත කාලීනව විදෙස් රටවලින් පැමිණෙන රෝගීන් ශ්‍රී ලාංකිකයන් ලෙස රහසිගතව මෙරට රෝහල්වලට ඇතුළත්ව නේවාසිකව ප්‍රතිකාර රැගෙන පිටත්ව යාමේ ප්‍රවණතාවක් ද පවතින බවත් මෙවැනි සිදුවීම් මෙරට නිදහස් සෞඛ්‍ය සේවාවේ ප්‍රතිලාභ ලබන ජනතාවට හානිදායක නිසා නේවාසික රෝගීන් සඳහා සිය අනන්‍යතාව තහවුරු කරගැනීමට ක්‍රමවේදයක් සකසන බවත් එතුමා වැඩිදුරටත් පැවසීය.
මේ අවස්ථාව සඳහා නුවරඑළිය දිස්ත්‍රක් පාර්ලිමේන්තු මන්ත්‍රී පෞද්ගලික ප්‍රවාහන අමාත්‍ය සී.බී. රත්නායක සහ රාජ්‍ය කළමනාකරණ ප්‍රතිසංස්කරණ අමාත්‍ය නවීන් දිසානායක යන මහත්වරුන්, දේශපාලන නියෝජිතයන්, සෞඛ්‍ය අමාත්‍යාංශයේ අතිරේක ලේකම් ඇතුළු අමාත්‍යාංශ නිලධාරීන් රැසක් සහභාගී වී සිටියහ.
NDH/SH_dmu_nuwaraeliya
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
