සතිපොළ නවීකරණය, පෙරපාසලක්, වෛද්‍ය සායන මධ්‍යස්ථානයක් හා නගර සනීපාරක්‍ෂක කටයුතු පුළුල් කිරීමේ කටයුතු ද මේ මඟින් සිදු කෙරේ. මේ සංවර්ධන කටයුතු සඳහා වැය කරනු ලබන මුදල රුපියල් පන්කෝටි තිස්ලක්‍ෂයකි.
මෙහිදී අදහස් දැක්වූ උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා, උතුරු මැද පළාතේ ප‍්‍රධාන නගර හා සියලු උප නගර පුර නැඟුම ව්‍යාපෘතිය යටතේ සංවර්ධනය කිරීමට මහින්ද රාජපක්‍ෂ රජය කටයුතු කරමින් සිටින බව පැවසීය.
ගම් බිම් වේගවත් සංවර්ධනයකට යොමු වී ඇති යුගයක නගර හා උප නගර සංවර්ධනය කිරීම අත්‍යවශ්‍ය කටයුත්තක් වී තිබේ. නාගරික සංවර්ධන හා ආරක්‍ෂක අමාත්‍යාංශයේ ලේකම් ගෝඨාභය රාජපක්‍ෂ මහතා විසින් කොළඹ නගරය සේ මුළු රටේම ප‍්‍රධාන නගර හා උප නගර සංවර්ධනය අරඹා ඇති බවද ප‍්‍රධාන අමාත්‍යවරයා පෙන්වා දුන්නේය.
NDH
