බදුල්ල දිස්ත්‍රික් ලේකම් රෝහණ කීර්ති දිසානායක මහතාගේ උපදෙස් හා මඟපෙන්වීම මත අල ගොවීන් සඳහා අවශ්‍ය කරන ගුණාත්මක බීජ දේශීය වශයෙන් නිෂ්පාදනය කර ගැනීම සඳහා කැප්පෙටිපොළ ප්‍රදේශයේ ගොවීන් 35 දෙනෙකු එක්ව ආරම්භ කළ ව්‍යාපෘතියේ මූලික පියවර වශයෙන් අක්කර දෙකක අල බීජ වගා කිරීම පසුගියදා සිදු විය.
මින් ලබාගන්නා සමස්ත අස්වැන්න අර්තාපල් බීජ ලබා ගැනීම සඳහා යෙදවීමට බලාපොරොත්තු වේ. ඉදිරියේදී මෙහි නිෂ්පාදන ප්‍රමාණය තවදුරටත් වර්ධනය කිරීමට බලාපොරොත්තු වන බවත් එ තුළින් දේශීය වශයෙන් අවශ්‍ය කරන බීජ ආනයනය සඳහා වැයවන විශාල මුදලක් රටට ඉතිරි කරදීමට හැකි වන බවත් ඔවුන් වැඩිදුරටත් සඳහන් කරයි.
මෙම අවස්ථාවට බදුල්ල දිස්ත්‍රික් ලේකම් රෝහණ කීර්ති දිසානායක, වැලිමඩ ප්‍රාදේශීය ලේකම් මංගල මහිලාල් විජේනායක යන මහත්වරුන් ඇතුළු රාජ්‍ය නිලධාරීන් හා ප්‍රදේශයේ ගොවීන් විශාල පිරිසක් එක්ව සිටියහ.
DB/ BH dmu badulla
