මෙම ඉදිකිරීමත් සමඟ මත්තල ගුවන්යානා තෙල් පර්යන්තය වර්තමාන ඉන්ධන ධාරිතාව ඉන්ධන ලීටර් මිලියන 03ක් වන අතර ලොව දැනට භාවිත කරන උසස් තාක්ෂණික මෙවලම්වලින් යුත්තව ගුවන්යානා තෙල් සැපයුම් පද්ධතිය, ගිනි නිවීමේ ඒකකය සහ ගිනි අනතුරු හඳුනාගැනීමේ ඒකකය ඇතුළුව ගුවන්යානා තෙල් සැපයුම් අංශයේ සියලු පහසුකම් සහිතව මත්තල මහින්ද රාජපක්ෂ ජාත්‍යන්තර ගුවන්තෙල් සැපයුම් පර්යන්තය ඉදිකර ඇත. මේ සඳහා රුපියල් බිලියන 05ක් ආයෝජනය කර ඇති අතර ලොව ඕනෑම ගුවන් යානයකට ඉන්ධන සැපයීමේ ධාරිතාවකින් යුක්තව ඉදිකර තිබේ.
 

මෙම ඉදිකිරීමත් සමඟ මත්තල මහින්ද රාජපක්ෂ අන්තර්ජාතික ගුවන් තොටුපොළ තුළින් ඒ 380 එයාර් බස් (ඉන්ධන ධාරිතාව ලීටර් 310,000),  ඇන්ටනොව් 124 (ඉන්ධන ධාරිතාව ලීටර් 384,000), බෝයිං 747 (ඉන්ධන ධාරිතාව ලීටර් 216,000), එයාර් බස් 340 - 300 (ඉන්ධන ධාරිතාව ලීටර් 150,000), බෝයිං 777-200 (ඉන්ධන ධාරිතාව ලීටර් 117,300) වැනි ගුවන්යානා සඳහා තරගකාරී ආකාරයෙන් සුවිශේෂි උසස් සේවාවක් සැපයීමට හැකියාව ලැබේ. මේ දක්වා කොලොන්නාව තෙල් බෙදාහැරීම් පර්යන්තයේ සිට ප‍්‍රවාහනය කර ඉන්ධන ලබාදීම සිදු කළ නව ඉදිකිරීමත් සමඟ ගුවන් ඉන්ධන සේවා සැපයීම තවදුරටත් පුළුල් වන බව ඛනිජතෙල් අමාත්‍යාංශය පවසයි.

NDH/HC