යාපනය වේලනෙයි මධ්‍ය විද්‍යාලයේ ස්ථාපිත කළ මහින්දෝදය තාක්ෂණ විද්‍යාගාරය උතුරු පළාත් ආණ්ඩුකාර ජී.ඒ. චන්ද්‍රසිරි මහතා අතින් පසුගිය සඳුදා සිසු අයිතියට පත් කළ බව යාපනය දිස්ත්‍රික් අප මාධ්‍ය ඒකකය පවසයි.
ජනාධිපති මහින්ද රාජපක්ෂ මැතිතුමාගේ සංකල්පයකට අනුව සෑම දරුවෙකුට ම සම අධ්‍යාපනික පහසුකම් ලබාදීමේ අරමුණින් ක්‍රියාත්මක කෙරෙන මහින්දෝදය තාක්ෂණික විද්‍යාගාර ව්‍යාපෘතිය යටතේ මෙම තාක්ෂණ විද්‍යාගාරය ඉදිකර ඇත. මේ වන විට උතුරු පළාත තුළ මෙවැනි විද්‍යාගාර 16ක් සිසු අයිතියට පත් කර තිබේ.
මෙම අවස්ථාව සඳහා පාර්ලිමේන්තු මන්ත‍්‍රී සිල්වෙස්ටර් ඇලන්ටීන් මහතා, උතුරු පළාත් ප‍්‍රධාන ලේකම් විජයලක්ෂ්මී මහත්මිය, උතුරු පළාත් අධ්‍යාපන අමාත්‍යංශයේ ලේකම් සත්‍යසීලන් මහතා ද සහභාගී වූහ.
UP/PS_dmu_jaffna
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
