සිලාවතුර, ශ්‍රී ලංකා නාවික නෞකා ථේරපුත්ත ආයතනයට අනුයුක්ත නාවිකයින් පිරිසක් විසින් නීති විරෝධී ධීවර කටයුතු වල යෙදී සිටි ශ්‍රී ලාංකික ධීවරයින් 7 දෙනෙකු අවස්ථා දෙකකදී අත්අඩංගුවට ගැනීමට පසුගිය දෙදින (28 සහ 29) තුළ සමත්විය.
28 වන දින දහවල් අරිප්පු මුහුදු තීරයේදී ඩිංගි යාත්‍රාවක් සහ සුරුක්කු දැලක් සමඟ පුද්ගලයින් තිදෙනෙකු අත්අඩංගුවට ගත් අතර, 29 වන දින දහවල් එම මුහුදු තීරයේදී ම ඩිංගි යාත්‍රාවක්, සුරුක්කු දැලක් සහ අතංගු දැලක් සමඟ තවත් පුද්ගලයින් සිව් දෙනෙකු අත්අඩංගුවට පත් විය.
අත්අඩංගුවට ගත් පුද්ගලයින් සහ ධීවර ආම්පන්න ඉදිරි විමර්ශන කටයුතු සඳහා මන්නාරම සහකාර ධීවර අධ්‍යක්ෂක වෙත භාරදීමට කටයුතු කෙරිණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
