දූෂිතයන් පිරිසක් එකතුවී රජය අපහසුතාවයට පත් කිරීමට කටයුතු කරන බවත් එය රටේ ප්‍රජාතන්ත්‍රවාදයට කරන නින්දිත නොසලකා හැරීමක් බව ප්‍රවීන සිනමා අධ්‍යක්ෂ ධර්මසිරි බණ්ඩාරනායක මහතා පවසයි.
රජයේ නිලපුවත් වෙබ් අඩවියට අද (23) විශේෂ ප්‍රකාශයක් කරමින් ධර්මසිරි බණ්ඩාරනායක මහතා මේ බව පැවසී ය.
ජනතාව දින 100 ගැන හිතුවේ නෑ. පැවැති දූෂිත රජය පෙරලා දැමීමටයි ජනතාව කටයුතු කළේ. දින 100 තුළ රට අර්බුදයකට තල්ලු කරන්නේ දූෂිතයන් පිරිසක්මයි.
කුමන්ත්‍රණකාරී ලෙස ජනතා මතය පැහැර ගැනීමට කටයුතු කරනවා. එය ජනතාව විසින් දඬුවම් ලබාදිය යුතු වරදක්.එයට මහමැතිවරණයක් ප්‍රකාශ විය යුතුයි''යැයි ද ධර්මසිරි බණ්ඩාරනායක මහතා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
