මෙහිදී කමිටුව හමුවේ තව දුරටත් අදහස් දැක්වූ ධර්මසේන මහතා මෙවර වී මිළදී ගැනීමේ ක්‍රියාවලිය තවත් කඩිනම් සහ විධිමත් කරන්නේ නම් එය ගොවි ජනතාවට තවත් පහසුවක් වන බව පෙන්වා දුන් අතර, රජය වෙනුවෙන් ඒ සදහා මහනුවර දිස්ත්‍රික් ලේකම්වරයා දරණ උත්සාහයට තම ගොවි සංවිධානයේ ස්තූතිය පළ කරන බවද පැවසීය.
ඊට පිළිතුරු ලබා දුන් දිස්ත්‍රික් කෘෂිකර්ම කමිටුවේ සභාපති සහ මහනුවර දිස්ත්‍රික් ලේකම් එච්.එම්.පී හිටිසේකර මහතා පැවසුවේ මේ වන විට මහනුවර දිස්ත්‍රික්කයේ වී මිළදී ගැනීම සදහා රජය මගින් මිලියන 19 ක් ලබා දී ඇති බවත්, ඒවා වී මිළදී ගැනීමට එම මුදල සම්පූර්ණයෙන්ම මුදා හැරිය බවත්ය. ඊට අමතරව තවත් මිලියන 01 ක මුදලක් ලබා දීමට භාණ්ඩාරය එකඟත්වය ලබා දී ඇති බවත් පෙන්වා දුන් දිස්ත්‍රික් ලේකම්වරයා අවශ්‍යතාවය අනුව තවත් මුදල් ඉල්ලා සිටිය හැකි බවද පෙන්වා දෙන ලදී.
මෙම අවස්ථාව සදහා මහනුවර අතිරේක දිස්ත්‍රික් ලේකම් ගාමිණී මුණසිංහ මහතා සහ මහනුවර දිස්ත්‍රික් කෘෂිකර්ම අධ්‍යක්ෂ ආචාර්ය වයි. කැටිපේආරච්චි මහතා ඇතුළු රජයේ නිලධාරීන් රැසක් සහ ගොවි සංවිධාන නියෝජිතයන්ද සහභාගී විය.
MAP/TA_dmu_kandy
