අමාත්‍යවරයා මේ බව ප්‍රකාශ කළේ ඊයේ (21) අමාත්‍යංශයේ දී ජාතික වෙසක් සතිය නිමිත්තෙන් නව මුද්දර තුනක් හා මුල් දින කවරයක් නිකුත් කිරීමේ උත්සවයට සහභාගී වෙමිනි.
වෙසක් උත්සවය රටේ සත්‍යය සහ යුක්තිය සහතික කරන උත්සවයක් වන බව එහිදී සභාව අමතමින් පැවසූ අමාත්‍යවරයා , ශ්‍රී ලංකාව තුළ මෙන්ම විදේශ රටවල ද බුදුදහම ශක්තිමත් කිරීම සඳහා බුද්ධ ශාසන අමාත්‍යංශය ඉමහත් සේවාවන් ඉටුකොට ඇති බව ද පැවසීය.
අමාත්‍යංශය මඟින් ග්‍රාමීය ප්‍රදේශවල බොහෝ විහාරස්ථානවල පහසුකම් ප්‍රතිසංස්කරණය කළ බවත් කරූ ජයසූරිය මහතා කියා සිටියේය.
වර්තමානයේ බෞද්ධ පිළිවෙත් ලෝකයේ වැඩි වශයෙන් පිළිගැනීමට ලක් වෙමින් තිබෙන බවත් බුදු දහම අනාගතයේදී බලාපොරොත්තුසහගත ආගමක් බවට පත් වනු ඇති බවත් ඔහු තවදුරටත් පවසා සිටියේය.
බෞද්ධ සංස්කෘතිය සුරක්ෂිත කිරීමට ඉදිරියේ දීද බොහෝ ප්‍රතිපත්ති හා වැඩසටහන් බුද්ධ ශාසන අමාත්‍යංශය විසින් ආරම්භ කරනු ඇති බව අමාත්‍යවරයා ප්‍රකාශ කළේය.
SDF
