සහතික මිලට තේ දළු මිලදී ගැනීමේ රජයේ වැඩපිළිවෙල මොරවක කළුබෝවිටියාන තේ කම්හල් පරිශ්‍රයේ දී වැවිලි කර්මාන්ත අමාත්‍ය ලක්ෂ්මන් කිරිඇල්ල මහතාගේ ප්‍රධානත්වයෙන් පැවැත්විණි. මෙම උත්සවයට ජනමාධ්‍ය අමාත්‍ය ගයන්ත කරුණාතිලක , අග්‍රාමාත්‍ය කාර්යමණ්ඩල ප්‍රධානී සාගල රත්නායක ඇතුළු මැති ඇමතිවරුන් රැසක් එක්ව සිටියහ.
ඒ අනුව කුඩා තේ වතු හිමියන්ගේ සියයට 60 ක ප්‍රමිතියෙන් යුතු අමු තේ දළු සඳහා රුපියල් 80 ක සහතික මිල ලබාදෙන අතරම ඒ ප්‍රමාණයට වඩා අඩු ප්‍රමිතියකින් යුත් අමු තේ දළු සඳහා රුපියල් 75 සහ 73 ක සහතික මිලක් නියම කිරීමටද රජය තීරණය කර ඇත.
සහතික මිල ලබා දීම සංකේතවත් කරමින් කුඩා තේ වතු හිමියන්ට චෙක්පත් පිරිනැමීම ද එම පවුල් වල සිසුන්ගේ අධ්‍යාපනය සඳහා ශිෂ්‍යත්ව පිරිනැමීම ද පසුගිය සෙනසුරාදා (18) පැවති මෙම උත්සවයට සමඟාමීව සිදුකෙරිණි.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
