උන්වහන්සේට උපහාර පුදකිරීමට අද (31) පෙරවරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ පැවති උපහාර උළෙලට එක් වූ ජනාධිපතිතුමා උපහාර තිළිණ පිළිගන්වමින් උන්වහන්සේට සිය සුබපැතුම් එක්කළේය.
අනතුරුව උන්වහන්සේගේ සුවදුක් විමසූ ජනාධිපතිතුමා නිදුක් නිරෝගී මෙන් ම දීර්ඝායුෂ ද ප්‍රාර්ථනා කළේය.
අස්ගිරි පාර්ශවයේ මහා නායක අතිපූජ්‍ය උඩුගම ශ්‍රී බුද්ධරක්ඛිත නායක හිමිපාණන් වහන්සේ, මහාචාර්ය පූජ්‍ය බෙල්ලන්විල විමලරතන නායක හිමිපාණන් වහන්සේ, පූජ්‍ය මාදුළුවාවේ සෝභිත ස්වාමීන් වහන්සේ ප්‍රමුඛ මහා සංඝරත්නය ද මේ අවස්ථාවට වැඩම කර සිටියහ.
සබරගමුව පළාත් ආණ්ඩුකාර වි.ජ.මු. ලොකුබණ්ඩාර, නියෝජ්‍ය අමාත්‍ය පණ්ඩු බණ්ඩාරනායක, රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ යන මහත්වරු ඇතුළු පිරිසක් මේ අවස්ථාවට එක්ව සිටියහ.
NDH/pmu_pix by Sudath Silva
