අටමස්ථානාධිපති පූජ්‍ය පල්ලේගම සිරිනිවාස නායක හිමිපාණන්වහන්සේ, රුවන්වැලි මහා සෑ විහාරාධිපති පූජ්‍ය පල්ලේගම හේමරතන නායක ස්වාමීන්වහන්සේ, මිරිසවැටිය විහාරාධිපති පූජ්‍ය ඊතලවැටුණු වැවේ ඥානතිලක ස්වාමීන්වහන්සේ, ජයන්ති විහාරාධිපති පූජ්‍ය නුගේතැන්නේ පඤ්ඤානන්ද නායක හිමිපාණන්වහන්සේ ප්‍රමූඛ පළාතේ මහා සංඝරත්නය මෙම අවස්ථාවට වැඩම කර සිටි අතර උන්වහන්සේලා ජයපිරිත් සජ්ඣායනය කරමින් ජනාධිපතිතුමා වෙත ආශිර්වාද පළ කළහ.
ප්‍රදේශයේ ජනතාව අතිවිශාල පිරිසක් ද මෙම අවස්ථාවට එක් ව සිටි අතර ඔවුහු ද තම ආදරණිය රාජ්‍ය නායකයාගේ විජයග්‍රහණයට සුභාශිංෂන පළ කර සිටියහ.
අමාත්‍යවරුන් වන සුසිල් ප්‍රේමජයන්ත, පවිත්‍රා වන්නිආරච්චි, එස්.එම්. චන්ද්‍රසේන, නිර්මල කොතලාවල, නියෝජ්‍ය අමාත්‍ය ලසන්ත අලගියවන්න, උතුරු මැද පළාත් ආණ්ඩුකාර කරුණාරත්න දිවුල්ගනේ, ප්‍රධාන අමාත්‍ය එස්.එම්. රංජිත් යන මහත්වරුන් ඇතුළු පිරිසක් ද ආගමික කටයුතුවලට එක් ව සිටියහ.
HC/pmu__Pix by: Sudath Silva
