එක්සත් ජාතික පක්ෂ මහ ලේකම් ධූරයෙන් ඉල්ලා අස් වී ආණ්ඩුව සමඟ එක් වූ පාර්ලිමේන්තු මන්ත්‍රී තිස්ස අත්තනායක මහතා අද (11) පෙරවරුවේ මහනුවර ජනාධිපති මන්දිරයේ දී ජනාධිපති මහින්ද රාජපක්ෂ මහතා ඉදිරියේ සෞඛ්‍ය අමාත්‍ය ධූරයේ දිවුරුම් දුන්නේය.
වසර 25ක් අඛණ්ඩව පාර්ලිමේන්තු මන්ත‍්‍රීවරයෙකු ලෙස කටයුතු කළ තිස්ස අත්තනායක මහතා 2005 වසරේ සිට එක්සත් ජාතික පක්ෂ මහ ලේකම් ධූරය හෙබවීය. ඔහු මහනුවර දිස්ත‍්‍රික්කයේ උඩුදුම්බර ආසනය නියෝජනය කරමින් 1989 දී පාර්ලිමේන්තුවට තේරීපත් විය. එක්සත් ජාතික පක්ෂයේ 22 වැනි මහ ලේකම්වරයා වූ ඔහු පසුගිය වර ඔහු පාර්ලිමේන්තුවට පැමිණියේ ජාතික ලැයිස්තුවෙනි.
මේ අවස්ථාවට මැති ඇමතිවරු රැසක් එක්ව සිටියහ.
NDH/pmu_pix by Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
