අද පස්වරුවේ ජනාධිපති මන්දිරයට පැමිණ ජනාධිපති මහින්ද රාජපක්ෂ මැතිතුමාට සහය පළ කරමින් ඔවුහු සන්ධානයට එක්වන බව පැවසූහ.

වසර 10ක් මහනුවර මහ නගර සභාවේ නාගරික මන්ත්‍රීවරයෙකු ලෙස කටයුතු කළ ඒ මහතා මහනුවර දිස්ත්‍රික්කය තුළ එක්සත් ජාතික පක්ෂය වෙනුවෙන් කැපවී කටයුතු කළ අයෙකි.

පක්ෂයේ වත්මන් ක්‍රියාකාරිත්වය පිළිබඳ දැඩි කලකිරීමට පත්ව සිටින ඒ මහතා පක්ෂය හැරදා මෙලෙස ජනාධිපතිතුමාට සහය පළ කිරීමට තීරණය කර ඇති අතර රටට වැඩකරන නායකයෙකු වන ජනාධිපති මහින්ද රාජපක්ෂ මැතිතුමා සමඟ එක්ව රට ගොඩනගන වැඩපිළිවෙළට තම දායකත්වය ලබා දෙන බව ද පැවසීය.

මහනුවර ප්‍රදේශයේ ජනතාවගේ ගැටලු කිහිපයක් පිළිබඳ මෙහිදී ඒ මහතා ජනාධිපතිතුමා දැනුවත් කළ අතර ඒ පිළිබඳ ජනාධිපතිතුමාගේ අවධානය ද යොමු විය.

මහනුවර දිස්ත්‍රික් පාර්ලිමේන්තු මන්ත්‍රීවරුන් වන ලොහාන් රත්වත්තේ, දිලුම් අමුණුගම, මහනුවර නගරාධිපති මහේන්ද්‍ර රත්වත්තේ යන මහත්වරු ඇතුළු පිරිසක් මේ අවස්ථාවට එක් ව සිටියහ.

NDH/pmu_pix by Sudath Silva