මධ්‍යම පරිසර අධිකාරියේ ස්ථාපනය කර ඇති පිළිසරු ජාතික ඝන අපද්‍රව්‍ය කළමනාකරණ ව්‍යාපෘතිය මඟින් පළාත් පාලන ආයතනවල කසල කළමනාකරණය වඩාත් විධිමත් කිරීම සඳහා එම ආයතන වෙත රුපියල් මිලියන 160ක් වටිනා ට්‍රැක්ටර් රථ, ට්‍රේලර්, මාර්ග පිරිසිදු කිරීමේ යන්ත්‍ර සහ කසල ප්‍රතිචක්‍රීකරණය කිරීමේ යන්ත්‍ර බෙදාදීම ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (04) පෙරවරුවේ ජනාධිපති කාර්යාල පරිශ්‍රයේදී සිදු කෙරිණි.
එම රථවල යතුරු අදාළ පළාත් පාලන ආයතන වෙත භාරදීම මෙහිදී සිදු විය.
අග්‍රාමාත්‍ය දි.මු. ජයරත්න,ජ්‍යෙෂ්ඨ අමාත්‍ය ඒ.එච්.එම්. ෆවුසි, අමාත්‍ය සුසිල් ප්‍රේමජයන්ත, මධ්‍යම පරිසර අධිකාරියේ සභාපති ඩී.ඩබ්. ප්‍රතාපසිංහ යන මහත්වරු ඇතුළු පිරිසක් මේ අවස්ථාවට එක්ව සිටියහ.
NDH/pmu_pix by Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
