මෙහි උත්සව සභාව ආබාධ සහිත දරුවන්ගේ ඉදිරිපත් කිරීම්වලින් වර්ණවත් වූහ.
2014 වසරේ 5 ශ්‍රේණිය ශිෂ්‍යත්ව විභාගය සමත් ආබාධිත සිසුන් අතුරින් වැඩි ම ලකුණු ලබා ගත් කොළඹ ආනන්ද විද්‍යාලයේ එම්.එම්. සුපුන් බණ්ඩාර සිසුවා වෙත ත්‍යාග ප්‍රදානය ද ජනාධිපතිතුමා අතින් සිදු විය.
සමාජ සේවා දෙපාර්තමේන්තුවේ වෘත්තීය පුහුණු ආයතනවල පුහුණුව අවසන් කළ සිසුන්ට උපකරණ කට්ටල ප්‍රදානයත් ආබාධ සහිත පුද්ගලයන්ගේ කටයුතු පහසු කර ගැනීම සඳහා නව තාක්ෂණය යොදා ගනිමින් නව නිපැයුම් කරන ලද නව නිපැයුම්කරුවන් ඇගයීමත් මේ අවස්ථාවේ සිදු කෙරිණි.
සීදුව වෘත්තීය පුහුණු ආයතනයෙන් නිපදවන ලද පාවහන් යුගලක් මෙහිදී ජනාධිපතිතුමා වෙත පිළිගැන්වීය.
සමාජ සේවා අමාත්‍ය ෆීලික්ස් පෙරේරා, නියෝජ්‍ය අමාත්‍ය චන්ද්‍රසිරි සූරියආරච්චි, අමාත්‍යාංශ ලේකම් ඉමෙල්ඩා සුකුමාර් යන මහත්ම මහත්මීහු ඇතුළු පිරිසක් මේ අවස්ථාවට එක්ව සිටියහ.
NDH/pmu_pix by Sudath Silva
