මානුෂීය මෙහෙයුම පැවති කාල සීමාවේදී උතුරේ විවිධ ප්‍රදේශවල තිබී යුද හමුදාව විසින් සොයා ගන්නා ලද රන් භාණ්ඩ යළි ඒවායේ හිමිකරුවන්ට භාරදීමේ උත්සවය ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (04) පස්වරුවේ අරලියගහ මන්දිරයේදී පැවැත්විණි.
වව්නියාව, කිලිනොච්චිය, මුලතිව්, යාපනය යන ප්‍රදේශවලින් මේ රන් භාණ්ඩ සොයා ගන්නා ලද අතර එල්.ටී.ටී.ඊ ත්‍රස්තවාදීන් විසින් උතුරේ සාමාන්‍ය ජනතාවගෙන් පැහැර ගන්නා ලද රන් භාණ්ඩ මෙන් ම ජනතාව විසින් එල්.ටී.ටී.ඊ බැංකුවල අධික පොළී යටතේ උකසට තබා සින්න වූ රන් භාණ්ඩ ද ඒ අතර වේ. හිමිකාරිත්වය තහවුරු කර ගත් පුද්ගලයන් 2,379 දෙනෙකුට මේ රන් භාණ්ඩ භාරදීම සිදු විය.
යුද හමුදාපති ලුතිතන් ජනරාල් දායා රත්නායක මහතා ඇතුළු ආරක්ෂක අංශ ප්‍රදානීහු මේ අවස්ථාවට එක්ව සිටියහ.
NDH/pmu_pix by Sudath Silva
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
