එම විහාරස්ථානය වෙත ගිය ජනාධිපතිතුමා පළමුව ආගමික වතාවත් හි නිරත ව ආශිර්වාද ලබාගත් අතර අනතුරුව සමරු ඵලකය නිරාවරණය කරමින් අභිනව බුද්ධ මන්දිරය සහ දහම් පාසල් ගොඩනැගිල්ල විවෘත කළේය.
අභිනව බුද්ධ මන්දිරය වෙත ප්‍රථම මල් පූජව ද ජනාධිපතිතුමා විසින් සිදු කරන ලදී.
ප්‍රදේශයේ අති විශාල ජනතාවක් ද විහාරස්ථානය වෙත රැස්ව සිටි අතර ඔවුන් සමඟ සුහදව කතා කොට ඔවුන්ගේ සුවදුක් විමසීමට ද ජනාධිපතිතුමා අමතක නොකළේය.
ජ්‍යේෂ්ඨ අමාත්‍ය පියසේන ගමගේ, අමාත්‍යවරුන් වන මහින්ද යාපා අබේවර්ධන, රෝහිත අබේගුණවර්ධන, නියෝජ්‍ය කතානායක චන්දිම වීරක්කොඩි, දකුණු පළාත් ප්‍රධාන අමාත්‍ය ශාන් විජයලාල් ද සිල්වා, පාර්ලිමේන්තු මන්ත්‍රීවරුන් වන සජින් වාස් ගුණවර්ධන, වෛද්‍ය රමේෂ් පතිරණ මහත්වරු ඇතුළු පිරිසක් මෙම අවස්ථාවට එක්ව සිටියහ.
DB/Pix by : Nishanka de Silva
