දහ අටවන ආණ්ඩුක‍්‍රම ව්‍යවස්ථාව අනුව ජනාධිපති මහින්ද රාජපක්ෂ මැතිතුමාට තෙවැනි වරටත් ජනාධිපති ධූරය සඳහා තරග කළ හැකි ද යන්න සහ දෙවැනි ජනාධිපති ධූර කාලයෙන් වසර හතරකට පසුව ජනාධිපතිවරණයක් කැඳවිය හැකි ද යන්න පිළිබඳ ව ශ්‍රේෂ්ඨාධිකරණයේ මතය ජනාධිපතිතුමා වෙත මේ වන විට යොමු කර ඇත.
ආණ්ඩුක‍්‍රම ව්‍යවස්ථාවේ 129(1) වගන්තිය අනුව ජනාධිපති මහින්ද රාජපක්ෂ මැතිතුමා කළ මෙම මත විමසීම දස පුද්ගල ශ්‍රේෂ්ඨාධිකරණ විනිසුරු මඬුල්ලක් ඉදිරියේ සලකා බැලීය.
අග විනිසුරු මොහාන් පීරිස් මහතා ඇතුළු ශ්‍රේෂ්ඨාධිකරණ විනිසුරුවන් වන කේ. ශී‍්‍ර පවන්, චන්ද්‍රා ඒකනායක, ඊවා වනසුන්දර, ප‍්‍රියන්ත ජයවර්ධන, ප‍්‍රියසාද් ඩෙප්, රෝහිණී මාරසිංහ, සරත් ආබෲ, බුවනෙක අළුවිහාරේ, සිසිර ආබෲ යන මහත්ම මහත්මීහු මෙම දස පුද්ගල ශ්‍රේෂ්ඨාධිකරණ විනිසුරු මඬුල්ලට ඇතුළත් වූහ.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
