අමාත්‍යවරයා මෙසේ පැවසුවේ පාර්ලිමේන්තු මන්ත්‍රී සජිත් ප්‍රේමදාස මහතා විසින් වාචික පිළිතුරු අපේක්ෂාවෙන් අද (04) පාර්ලිමේන්තුවේදී අසන ලද ප්‍රශ්නයකට පිළිතුරු දෙමිනි.
රජය මෙවැනි තීරණයක් ගත්තේ ජාතික අධ්‍යාපන කොමිෂන් සභාවේ හා අධ්‍යාපනඥයන්ගේ නිර්දේශ මත බව පෙන්වා දුන් ගුණවර්ධන මහතා පහේ ශිෂ්‍යත්ව දීමනාව මෙවර අයවැයෙන් රුපියල් 500 සිට 1500 දක්වා කළ වැඩිවීම 300%ක් බව ද කීය.
සිව් දෙනෙකුගෙන් යුතු පවුලකට මාසිකව රුපියල් 50,000ක් අවශ්‍ය බවට රජය හෝ ජනසංඛ්‍යාලේඛන දෙපාර්තමේන්තුව කවරදාක වත් ප්‍රකාශ කර නැති බවත් කීය.
මෙවැනි වැරදි තොරතුරු සමාජගත කිරීමෙන් වළකින ලෙස සජිත් ප්‍රේමදාස මහතාගෙන් ඉල්ලා සිටි අමාත්‍යවරයා පහේ ශිෂ්‍යත්ව දීමනාව වැඩිකිරීම මෙයට පෙර කිසිදු රජයක් සිදු කර නොමැති බව ද අවධාරණය කළේ ය.
NDH/HC
