මේ පිළිබඳ පශු සම්පත් සංවර්ධන මණ්ඩලය සමඟ සාකච්ඡා කරන බවත් වන සතුන් වෙනුවෙන් රජ කාලෙන් පසු කුළු වැව හදන්න සල්ලි වෙන් කළ එක ම නායකයා ජනාධිපති මහින්ද රාජපක්ෂ මහතා බවත් ඔහු සඳහන් කළේය.
අමාත්‍යවරයා මෙසේ පැවසුවේ අද (29) පාර්ලිමේන්තුවේදී පාර්ලිමේන්තු මන්ත්‍රී රෝසි සේනානායක මහත්මිය විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
වනෝද්‍යාන තුළට නීතිවිරෝධී ලෙස ගවයන් ඇතුළු කිරීම පිළිබඳ ව වනජීවී නිලධාරීන් දැනුවත් ව සිටී. මීට විසඳුම් ලෙස නීති මඟින් කටයුතු කිරීමටත් ගවයන් ඇතුළු නොකරන ලෙස අදාළ පුද්ගලයන්ට උපදෙස් ලබාදීමටත් පියවර ගෙන ඇත. ගවයන්ගේ පැමිණීම සීමා කිරීමට පියවරක් ලෙස වැටලීම් කිරීමට ද කටයුතු කෙරේ. ඉදිරියේදී ජාතික වනෝද්‍යාන තුළින් ගවයන් ඉවත් කිරීම සඳහා කටයුතු කරන අතර මේ පිළිබඳ කෘෂිකර්ම, සත්ත්ව නිෂ්පාදන හා සෞඛ්‍ය දෙපාර්තමේන්තුව සමඟ ද කතා කරන බව අමාත්‍යවරයා කීය.
ගව හිමියන්ට ගවගාල් අහිමි වීම මෙයට හේතුවයි. දීර්ඝ කාලයක් තිස්සේ මෙවැනි ගවගාල් වනය තුළ තිබේ. ක්ෂණිකව එවැනි ගව පට්ටි ඉවත් කළ නොහැකියි. මේ ගවයන් ජාතික කිරි නිෂ්පාදනයට දායක කර ගන්න කටයුතු කරන බවත් කිරි ගොවීන් දහස් ගණනකගේ සතුන් මෙහි සිටිනවා. මේ සතුන් සඳහා තණබිම් ලබා දෙන්නේ නම් වැව් ටික වනජීවී දෙපාර්තමේන්තුවෙන් හදා දෙන බවත් මේ ගවයන් නිසා වන අලි සුපෝෂණයට ගැටලු ඇති වී තිබෙන බවත් ඔහු පෙන්වා දුන්නේය.
NDH
