මී ගව සම්පත දේශීය කිරි නිෂ්පාදනය තුළ කාර්යක්ෂම ව යොදා ගැනීම සඳහා වැඩපිළිවෙළක් ක්‍රියාත්මක වන බවත් නවීන යන්ත්‍රෝපකරණ යොදා ගනිමින් කිරි නිෂ්පාදනය වැඩිකිරීමට කටයුතු කරන බවත් පශු සම්පත් සංවර්ධන නියෝජ්‍ය අමාත්‍ය එච්.ආර්. මිත්‍රපාල මහතා පවසයි.
අමාත්‍යවරයා මෙසේ පැවසුවේ අද (29) පාර්ලිමේන්තුවේදී පාර්ලිමේන්තු මන්ත්‍රී අකිල විරාජ් කාරියවසම් මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මෙරට සමස්ත කිරි අවශ්‍යතාවෙන් මී කිරි නිෂ්පාදනය 40%කි. මිල්කෝ, NLDB ආයතන රජය යටතේ කිරි නිෂ්පාදනය සිදු කරන බවත් අනෙකුත් කිරි නිෂ්පාදනය කරනු ලබන ආයතන සියල්ල පෞද්ගලික ආයතන බවත් අමාත්‍යවරයා සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
