අමාත්‍යවරයා මේ බව පැවසුවේ විපක්ෂ නායක රනිල් වික්‍රමසිංහ මහතා විසින් අද (29) පාර්ලිමේන්තුවේදී නායයෑම සම්බන්ධයෙන් රජය ගෙන ඇති පියවර කුමක්ද? යන්න පිළිබඳ ව විමසන ලද අවස්ථාවේදීය.
මේ සඳහා පොලිසිය හා යුද හමුදාවේ සහය ද ලබා ගෙන ඇති බව කී අමාත්‍යවරයා ආපදා කළමනාකරණ මධ්‍යස්ථානය සුදුසු පියවර අරගෙන අදාළ පිරිස කඳවුරු වෙත කැඳවා ගෙන යාමට කටයුතු කර ඇති බව ද කීය.
ජීවිත බේරා ගැනීමට හැකි පුද්ගලයන් මුදවා ගැනීමට ද කටයුතු කරමින් පවතී. මේ ප්‍රදේශයේ වතු පාලන අංශත් මේ වන විට ක්‍රියාත්මක වෙමින් ජීවිත බේරා ගැනීමට කටයුතු කරනවා. ආපදා කළමනාකරණ අමාත්‍යංශයේ හා වැවිලි කර්මාන්ත අමාත්‍යාංශයේ ලේකම්වරුන් සාකච්ඡා කර අදාළ අංශ වෙත උපදෙස් ලබා දී ඇත. ඉදිරියේ නායයෑමේ ලක්ෂණ ඇති ප්‍රදේශ හඳුනාගෙන ඉදිරි පියවර ගැනීම සඳහා මේ අමාත්‍යාංශ හා ජාතික ගොඩනැගිලි පර්යේෂණ සංවිධානය (NBRO) කටයුතු කරමින් පවතින අතර මේ මඟින් නායයෑමේ ප්‍රතිශතය අවම කිරීමට අවශ්‍ය පියවර ගන්නා බව ද අමාත්‍යවරයා වැඩිදුරටත් සඳහන් කළේය.
NDH/HC
