කුරුණෑගල දිස්ත්‍රික් එජාප මන්ත්‍රී නලින් බණ්ඩාර ජයමහ මහතා 2015 අය-වැය දෙවැනි වර කියැවීමේ විවාදයට එක් ව සිටිය දී කැරට් අල සභාවට පෙන්වීම සම්බන්ධයෙන් සෞඛ්‍ය නියෝජ්‍ය ඇමැති ලලිත් දිසානායක මහතා මුලසුනේ අවධානය යොමු කළේය.
කැරට් අල සභාවට ගෙන ආවේ කොහාමද?. මේ විදියට බෝම්බයක් වුණත් ගෙන ආ හැකියි කී දිසානායක මහතා මේ සම්බන්ධයෙන් පරීක්ෂණයක් සිදු කරන ලෙස මුලසුනෙන් ඉල්ලා සිටියේය.
එහිදී අදහස් දැක්වූ නලින් බණ්ඩාර මහතා මට දේශීය වෛද්‍යවරයෙක් කැරට් කන ලෙස කීවා ඒ නිසයි මා කැරට් ගෙනාවේ. ජනාධිපතිතුමා අය-වැය ඉදිරිපත් කරමින් කැරට් ගෝනියක් ම ගෙනාවානේ යනුවෙන් කියා සිටියේය.
එහිදී අදහස් දැක්වූ පත් කළ මන්ත්‍රී ඒ.එච්.එම්. අස්වර් මහතා ජනාධිපතිතුමා කැරට් 24 අය-වැයක් ඉදිරිපත් කළ බව ප්‍රකාශ කළේය.
HC/NDH
