ලුණුවිල පොල් පර්යේෂණ ආයතනය යටතේ ඇති වතුවල සිටි කිරි ගවයන් ව්‍යාජ ටෙන්ඩර් කැඳවා හෝ මස් පිණිස අලෙවි කර නැති බවත් ගවයන් අලෙවි කර ඇත්තේ අදාළ ක්‍රියාපටිපාටිය අනුව බවත් පොල් සංවර්ධන හා ජනතා වතු සංවර්ධන නියෝජ්‍ය අමාත්‍ය වික්ටර් ඇන්තනී මහතා පවසයි.
අමාත්‍යවරයා මෙසේ පැවසුවේ අද (23) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
කිරි ගවයන් මසට විකුණන්නේ නැහැ. කිරි ගන්නේ නැති දෙනුන් කෘෂිකාර්මික කටයුතු සඳහා අවශ්‍ය අයට ලබා දෙනු ඇති බවත් නියමිත පටිපාටිය අනුව සියලු කටයුතු සිදු කර ඇති බවත් අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
