පුද්ගලයන් ලියාපදිංචි කිරීමේ දෙපාර්තමේන්තුවේ හැඳුනුම්පත් සකස් කිරීම සඳහා යොදා ගනු ලබන ආරක්ෂිත කාඩ්පත් 11ක් හා මල්ටිමීඩියා යන්ත්‍ර දෙකක් 2013 දී අතුරුදහන් වීමේ සිද්ධියට අදාළ වරදකරුවන් කිසිවෙකු මෙතෙක් හඳුනාගෙන නැතැයි ආණ්ඩු පක්ෂයේ ප්‍රධාන සංවිධායක, අමාත්‍ය දිනේෂ් ගුණවර්ධන මහතා අද (21) පාර්ලිමේන්තුවේදී පැවසීය.
පත් කළ මන්ත්‍රී අනුර කුමාර දිසානායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමින් ගුණවර්ධන මහතා මේ බව කීය.
නැති වූ මෙම භාණ්ඩ පිළිබඳ ව පොලිසිය මඟින් විමර්ශනයක් සිදු කරන අතර එය අසාර්ථක වුවහොත් විමර්ශන කටයුතු රහස් පොලීසියට භාරදීමට පියවර ගන්නා බව ද ගුණවර්ධන මහතා කීය. ඒ අනුව මෙහි වගකීම භාර අයගෙන් අලාභය අයකර ගැනීමට පියවර ගන්නා බවද මෙවැනි සිද්ධීන් ඉදිරියේදී ඇති නොවීමට අවශ්‍ය පියවර දෙපාර්තමේන්තුව දැනටමත් ගෙන ඇති බවද කීය.
HC/SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
