ඉඩම්වල සින්නක්කර අයිතිය සම්බන්ධයෙන් මෙම පනත ඉදිරිපත් කරනවා. මේ ප්‍රගතිශීලි නීතිය රජය වෙනුවෙන් මේ සභාවට ඉදිරිපත් කරනවා. 1983 මුදල් පනත යටතේ මේ රටේ පුරවැසියන් නොවන අයට ඉඩම් ලබා ගැනීමට පවා තිබූ සියයට සියයේ බද්ද වසර 2002 දී ඉවත් කළා. ඉන් වටිනා ඉඩම් රාශියක් මේ රටේ නොවන අයගේ අතට පත් වුණා. අපි බලයට පත් වී 2004 දී නැවත සියයට සියයේ බද්ද පැනවූවා. සින්නක්කර ඉඩම්වල සන්තකය පිළිබඳ නීතියක් ඇති කිරීමයි මෙහි අරමුණ.
විදේශිකයන්ට ගිහින් ලංකාවේ ඉඩම් මිලදී ගන්න බැහැ. සියයට සීයයකට වඩා වැඩි කොටස් තිබෙන සහ සියයට සියයක් විදේශීය කොටස් තිබෙන අයට ඉඩම් සින්නක්කරව මිලදී ගන්නට බැහැ. විවිධ හේතු නිසා ඉඩම් පවරා දීම සම්බන්ධයෙන් නීතී රීති පනවා තිබෙනවා. ද්විත්ව පුරවැසිභාවය සහිත පුද්ගලයන්ට, විදේශිකයකු වෙත තම මරණින් පසුව ලියූ දේපළක් හෝ ජීවත්ව සිටියදී පවරා දෙන ත්‍යාග ලෙස ඉඩම් වෙන් කිරීමේදී විදේශිකයන්ට එම ඉඩම්වල අයිතිය ලබා ගත හැකියි. බොහෝ රටවල්වල වසර 99 බද්දට ඉඩම් ලබා දෙනවා. හොංකොං රටත් එංගලන්තයට වසර 99 බද්දට යටත් වී තිබුණා. විදේශිකයන්ටත් බදු ක්‍රමය යටතේ මේ රටේ ඉඩම් හිමි කර ගත හැකියි.
තානාපති සේවාවන් සඳහා ගන්නා ඉඩම්වලට මෙය අදාළ වන්නේ නැහැ. මේ රටේ ඇගලුම් කම්හල් හිමියන් ඉඩම් කල් බදු ක්‍රමය යටතේ අරගෙන මේ රටේ බැංකුවලින් විශාල ලෙස ණය මුදල් ලබා ගෙන ඒ ආයතන වසා දමා රටින් පිටවුණා. ඒවාට දැන් ඉඩ නැහැ. ආයෝජන කලාප, සංචාරක කලාප අනාගතයේ හඳුනාගත ඇති කලාපවල ඉඩම් සියයට 7.5ක බදු ගෙවා එම ඉඩම් ලබා ගැනීමේ හැකියාව තිබෙනවා. විදේශ වෙළඳපළ චංචල වීමක් ඇති වන්නේ වසර ගණනකින් පමණ. එහෙම වුණාම වසරක කාලයක් ලබා දෙනවා තමන්ගේ කොටස් වැඩිකර ගැනීමට.
උපාලි විජේවර්ධන මහතාගේ කාලයේ ගෙනා නීතිරීති අදට වලංගු නැහැ. දැන් මේ මුළු බදු ක්‍රමය ම විමර්ශනය කර බදු ගෙවිය යුතු අය බදු ගෙවිය යුතුයි. තරගකාරී ආයෝජනවලට අපි සහන ලබා දිය යුතුයි. කිසි ම කෙනෙකුට වරදක් සිදු නොවන ලෙස අපේ රටේ පුරවැසියන්ගේ අයිතිය සුරක්ෂිත කරමින් රටේ අවශ්‍යතා අභිමතය පරිදි ගෙනෙන ආයෝජනවලට සහන ලබා දීම අපි සිදු කරන බව ද අමාත්‍යවරයා පැවසීය.
NDH/HC
