අටමස්ථානාධිපති ආචාර්ය පූජ්‍ය පල්ලේගම සිරිනිවාස නායක හිමිපාණන් වහන්සේ බැහැදුටු ජනාධිපතිතුමා උන් වහන්සේගේ ද ආශිර්වාද ලබා ගත්තේය.

රුවන්වැලි සෑ රඳුන් අභියස පැවති ආගමික වතාවත් සඳහා සහභාගි වූ ජනාධිපතිතුමා රුවන්වැලි සෑ විහාරාධිපති පූජ්‍ය පල්ලේගම හේමරතන නායක හිමිපාණන් වහන්සේ ද බැහැදැක උන් වහන්සේට අටපිරිකර පූජා කළේය.

ඉන් පසු මිරිසවැටිය රජමහා විහාරය වෙත ගොස් විහාරාධිපති පූජ්‍ය ඊතලවැටුණුවැවේ ඤාණතිලක නායක හිමිපාණන් වහන්සේ බැහැදැක සුවදුක් විමසූ ජනාධිපතිතුමා උන් වහන්සේගෙන් ද ආශිර්වාද ලබා ගත්තේය.

ජනාධිපතිතුමා අනුරාධපුර ශ්‍රී සම්බුද්ධ ජයන්ති විහාරාධිපති පණ්ඩිත නුගේතැන්නේ පඤ්ඤානන්ද නායක හිමිපාණන් වහන්සේ හා ලංකාරාම විහාරාධිපති පූජ්‍ය රැලපනාවේ ධම්මජෝති නායක හිමිපාණන් වහන්සේ බැහැදැක උන්වහන්සේලාගෙන් ද ආශිර්වාද ලබා ගැනීමට කටයුතු කළේය.

NDH/pix by Chandana Perera-pmu