ප්‍රාග්ධන වෙළෙඳපොළ සහභාගිකරුවන් හා ආයතනික ආයෝජකයන් එක ම වේදිකාවකට ගෙන එමින් මෙරට ප්‍රාග්ධන වෙළෙඳපොළෙහි තිබෙන ආයෝජන අවස්ථාවන් පිළිබඳ සාකච්ඡා කෙරෙන “ප්‍රාග්ධන වෙළෙඳපොළ සමුළුව - 2014“ ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් අද (09) පෙරවරුවේ කොළඹ සිනමන් ග්‍රෑන්ඩ් හෝටලයේදී ආරම්භ කෙරිණි.
කොටස් වෙළෙඳපොළ හා සම්බන්ධ දේශීය හා විදේශීය ආයෝජකයන් 400කට අධික පිරිසක් මේ සමුළුවට එක් ව සිටියහ. අග්නිදිග ආසියාව, දකුණු ආසියාව, මැදපෙරදිග, එංගලන්තය, යුරෝපය හා ඇමරිකාව නියෝජනය කරමින් විදේශ ආයෝජකයෝ ද එක් ව සිටියහ.
මුදල් අමාත්‍යාංශයේ ලේකම් ආචාර්ය පී.බී. ජයසුන්දර, මහ බැංකු අධිපති අජිත් නිවාඩ් කබ්රාල්, සුරැකුම්පත් හා නියාමන කොමිසමේ සභාපති ආචාර්ය නාලක ගොඩහේවා යන මහත්වරු ද එම සමුළුවට එක්වූහ.
NDH/pmu_pix by Nalin Hewapathirana
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
