අමාත්‍යවරයා මේ බව පැවසුවේ අද (09) පාර්ලිමේන්තුවේදී මහනගර සභා (සංශෝධන) පනත් කෙටුම්පත, නගර සභා (සංශෝධන) පනත් කෙටුම්පත, ප්‍රාදේශීය සභා (සංශෝධන) පනත් කෙටුම්පත, පළාත් පාලන ආයතන ඡන්ද විමසීම් (සංශෝධන) පනත් කෙටුම්පත හා පළාත් පාලන ආයතනවල පුරප්පාඩු පිරවීමේ (විශේෂ විධිවිධාන) (සංශෝධන) පනත් කෙටුම්පත පිළිබඳ දෙවන වර කියවීමේ විවාදයට එක් වෙමිනි.
පළාත් පාලන ආයතනවලට රජය වාහන ලබා දුන්නා. මාර්ග හැදීමට මුදල් දුන්නා. පළාත් පාලන මන්ත්‍රීවරුන් ජනතාව අතරට ගොස් සමීපව අද වැඩ කරනා යැයි ද අමාත්‍යවරයා පෙන්වා දුන්නේය.
ප්‍රාදේශීය සභාවේ අය-වැය පැරදුනත් සභාපතිවරයාට දිගට ම බලයේ සිටීමට නීතිය හැදුවේ එක්සත් ජාතික පක්ෂයයි. තමන්ගේ ගෝලයෝ ටික රැකගැනීම සඳහා එදා පනත හැදූවා.
කොට්ඨාස සීමා නිර්ණය අවසන් කළ වහා ම ඡන්දය තියෙනවා. මේ සංශෝධන ඉදිරිපත් කළේ අනෙක් පක්ෂවල එකඟතාව අනුවයි. එසේ එකඟ වී කටයුතු කරන විට වෙනත් කතා කීම සුදුසු නැහැ. සීමා නීර්ණය කිරීමේ කොමිසම ඉතා හොඳින් රාජකාරී කරගෙන යනවා යැයි ද ඔහු පැවසීය.
NDH/HC
