ආණුඩුක්‍රම ව්‍යවස්ථාවේ 12(1) වන ව්‍යවස්ථාව අනුව ශ්‍රේෂ්ඨාධිකරණය හමුවේ අභියෝගයට ලක් කරන ලද "අපරාධයක වින්දිතයන් සහ සාක්ෂිකරුවන් හට සහය දීමේ සහ ආරක්ෂා කිරීමේ" නමැති පනත් කෙටුම්පත පිළිබඳ ශ්‍රේෂ්ඨාධිකරණයේ තීරණය මා වෙත ලැබී ඇති බව සභාවට දැන්වීමට කැමැති බවට ජනාධිපති මහින්ද රාජපක්ෂ මැතිතුමා නිවේදනයක් නිකුත් කර ඇති බව නියෝජ්‍ය කතානායක චන්දිම වීරක්කොඩි මහතා පවසයි.
නියෝජ්‍ය කතානායකවරයා මේ බව පැවසුවේ අද (09) පාර්ලිමේන්තුවේදී ජනාධිපතිතුමාගේ නිවේදන යටතේ සභාවට ඉදිරිපත් කරමිනි.
එම නිවේදනයේ සඳහන් පරිදි, "ශ්‍රේෂ්ඨාධිකරණය විසින් යෝජනා කර ඇති සංශෝධන, පනත් කෙටුම්පතට එකතු කිරීමට යටත් ව එම පනත් කෙටුම්පතේ විධිවිධාන කිසිවක් ආණ්ඩුක්‍රම ව්‍යවස්ථාවට අනනුකූල නොවන බවට 123(1) වන ව්‍යවස්ථාව ප්‍රකාරව ශ්‍රේෂ්ඨාධිකරණය තීරණය කර ඇත.
ශ්‍රේෂ්ඨාධිකරණ තීරණය අද දින කාර්ය සටහන් දැක්වෙන නිල වාර්තාවේ මුද්‍රණය කළ යුතු යැයි මම නියෝග කරමි" යනුවෙන් ද සඳහන් වේ.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
