අමාත්‍යවරයා මෙසේ පැවසුවේ අද (23) පාර්ලිමේන්තුවේදී පාර්ලිමේන්තු මන්ත්‍රී රවී කරුණානායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
මෙහිදි වැඩිදුරටත් අදහස් දැක් වූ අමාත්‍යවරයා, රටකට ජාතික ගුවන් සේවයක් තිබිය යුතු බවත් ශ්‍රීලංකන් ගුවන්සේවය යනු මෙරට ජාතික ගුවන් සේවය බවත් පැවසීය.
අද ලොව බොහෝ රටවල් අතරින් කිහිපයක් හැර සෙසු රටවල ගුවන්සේවා පාඩු ලබමින් ඇත. ජාතික ගුවන්සේවය පැත්තකට දාලා ඒ මුදල් වෙන වෙන වැඩවලට යෙදවිය යුතු යැයි පැවසිය නොහැකියි. ඉදිකිරීම් කර්මාන්තය සඳහා ඒ මුදල් යෙදවිය යුතු නැහැ. මේ වන විට වැවිලි ක්ෂේත්‍රයේ නියුතුවූවන් සඳහා නිවාස ඇති කරමින් යන බව ද ඔහු පැවසීය.
NDH/HC
