ජනාධිපති ආර්යා ශිරන්ති වික්‍රමසිංහ රාජපක්ෂ මැතිනිය ද සයදින චාරිකාවට එක්ව සිටින්නීය.
එක්සත් ජාතීන්ගේ මහ මණ්ඩලයේ පොදු විවාදයට සහභාගී වන ජනාධිපතිතුමා ලබන බදාදා (24) සමුළුව අමතයි. ලෝක නායකයන් සහභාගීවන මෙම සමුළුවට ජනාධිපතිතුමා සහභාගිවන හත් වන අවස්ථාව මෙයයි. ප්‍රථමයෙන් 2006 දී එතුමා මහ මණ්ඩල සැසිය ඇමතීය.
ජනාධිපති රාජපක්ෂ මැතිතුමා මහ මණ්ඩල සැසියට අමතරව, 2014 ලෝක දේශගුණික සමුළුව අමතා ජාතික ප්‍රකාශය මෙම අඟහරුවාදා (23) නිකුත් කිරීමට නියමිතය. තවද, පොදුරාජ්‍ය මණ්ඩලීය නායක හමුවකට ජනාධිපතිතුමා මුලසුන හොබවනු ඇත.
මහ මණ්ඩල සැසිය අතර වාරයේ ජනාධිපතිතුමා ආසියා, මැද පෙරදිග, අප්‍රිකානු සහ දකුණු ඇමෙරිකානු රටවල රාජ්‍ය නායකයන් කිහිපදෙනෙකු සමඟ ද්විපාර්ශ්වික සාකච්ඡාවල නිරතවනු ඇත.
මේ චාරිකාවේ දී ජනාධිපතිතුමා සහ ආර්යාව එක්සත් ජාතීන්ගේ මහ ලේකම් බන් කී මූන් මහතා පවත්වන සංග්‍රහයකට සහ ජනාධිපති බරක් ඔබාමා මැතිතුමා සහ එම මැතිනිය පවත්වන භෝජන සංග්‍රහයකටද සහභාගී වීමට නියමිතය.
HC
