“මෙම වැව රවුමේ එදා මිනී දැල්වෙමින් තිබිණි, දෙපැත්තේ කුණු. ඒත් අද මම ප්‍රීතියෙන් ප්‍රකාශ කරනවා ආරක්ෂක හා නාගරික සංවර්ධන අමාත්‍යංශ ලේකම් ගෝඨාභය රාජපක්ෂ මහතා විසින් මේ සා විශාල සංවර්ධන ව්‍යාපාරයක් අපට ලබා දී තිබෙනවා. ඒ අපගේ ඉල්ලීමක් නිසා නො ව එතුමාගේ ම සංකල්පයක් මත. මෙය නිම කර ඇත්තේ ඉතිහාසය පුරා රන් අකුරින් ලියැවෙන ආකාරයටයි “ ඊයේ (09) බොරලැස්ගමුවේ පැවති උත්සවයකදී බෙල්ලන්විල රජ මහා විහාරාධිකාරී මහාචාර්ය බෙල්ලන්විල විමලරතන අනුනාහිමියන් එසේ ප්‍රකාශ කළ බව අස්වර් මහතා මෙහිදී උපුටා දක්වන ලදී.
බෙල්ලන්විල නගරයේ සංවර්ධනය දෙස බලන විට අද එය සිනහ නගන නගරයක් බවට පත්ව ඇතැයි අස්වර් මහතා ප්‍රකාශ කෙරීය.
ශ්‍රී ලංකාවේ ආර්ථික සංවර්ධනයේ දියුණුව පිළිබඳ ජපන් අගමැති කතා කළ බවත් ඉදිරියේදී ලංකා සංචාරයක නිරත වන චීන ජනාධිපතිවරයාද කතා කරනු ඇතැයි ඔහු වැඩිදුරටත් පැවසීය.
ශ්‍රී ලංකාවේ සංවර්ධනය පෙන්වන ලංකාවට පැමිණි නැව් සංඛ්‍යාව, ශ්‍රී ලංකන් එයා ලයින් සමාගමේ දියුණුව, යටිතල පහසුකම් සඳහා රාජ්‍ය ආයෝජන හා විදුලි සංදේශ ක්‍රියාකාරීත්වය පිළිබඳ සියලු සංඛ්‍යා ලේඛන සටහන් මහජනතාවට දැනුවත් වීම පිණිස අද දින සභා ගත කරන බව ද අස්වර් මහතා පැවසීය.
SDF
