දැනට කුවේට් රාජ්‍යයේ කඳවුරුවල රඳවා සිටින පිරිස් කඩිනමින් ශ්‍රී ලංකාවට ගෙන්වා ගැනීම සඳහා කටයුතු කරන බවත් ඔවුන් පිළිබඳ නිරන්තර අධීක්ෂණයේ නිරතවන අතර ගුවන් ගමන් බලපත්‍ර ලබාදීමට ක්‍රියාකර ඇති බවත් විදේශ රැකියා ප්‍රවර්ධන අමාත්‍ය ඩිලාන් පෙරේරා මහතා පවසයි.
අමාත්‍යවරයා අද (09) පාර්ලිමේන්තුවේදී පාර්ලිමේන්තු මන්ත්‍රී රන්ජන් රාමනායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු ලෙසින් මේ බව පැවසීය.
මැදපෙරදිග රැකියාවේ නිරතව සිටියදී මියගිය ශ්‍රමිකයන්ගේ ශරීර අවයව මුදලට විකුණන ජාවාරමක් පිළිබඳ තොරතුරු ලැබී ඇතත් එය තහවුරු කිරීමට තවමත් නොහැකිවී ඇති බව පැවසූ අමාත්‍යවරයා ඒ පිළිබඳ විදේශ රැකියා ප්‍රවර්ධන අමාත්‍යාංශය අවධානය යොමු කර ඇති බවත් ඉදිරියේදී සැබෑ තොරතුරු අනාවරණය කිරීමට හැකි වන බවත් කීවේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
