රජය වෙනුවෙන් විපක්ෂනායකවරයාගේ ප්‍රකාශයට පිළිතුරු දෙමින් මැතිවරණයක් කල් දැමීමට රජයට අයිතියක් නොමැති බවත් මැතිවරණ කොමසාරිස් එයට වගකිව යුතු බැවින් එහි අයිතිය ඇත්තේ මැතිවරණ කොමසාරිස්ට බවත් අමාත්‍යවරයා අවධාරණය කළේය.

ඌව මැතිවරණය දින දෙකක් තුළ පැවැත්වීම ගැන හෝ කල් දැමීම ගැන විපක්ෂනායකවරයා කතා කළ යුත්තේ මැතිවරණ කොමසාරිස්වරයා සමඟයි. කලබල නොවිය යුතු බවත් වැඩි ආරක්ෂාවක් අවශ්‍ය නැති අතර ඌවේ ජනතාව නියමිත දිනයේදී ඡන්දය භාවිත කරන අතර එවිට අපේක්ෂා කරන පරාජය විපක්ෂයට ලැබෙන බවත් ඔහු කීය.

රජය මේ මැතිවරණය තියන්නේ මහජන මතය විපක්ෂයට කියා දීමට බව පැවසූ දිනේෂ් ගුණවර්ධන මහතා පරාජය අනිවාර්ය නිසා දැන් සිට ම පරාජයට සූදානම් වීම සුදුසු බව පෙන්වා දුන්නේ ය.