ජනාධිපති ලේකම් කාර්යාලයේ පැවැති ද්විපාර්ශ්වික සාකච්ඡාවලින් අනතුරුව රාජ්‍ය නායකයින් දෙපළ විසින් නිකුත් කළ ඒකාබද්ධ ප‍්‍රකාශනයෙන් ආසියාව හා අපි‍්‍රකාව අතර ඉන්දියන් සාගරයේ පිහිටි ශී‍්‍ර ලංකාවේ මූලෝපායික පිහිටීමේ වැදගත්කම ගැන විශේෂ ස්ථානයක් ලබා දුන්හ.
කලාපයේ මුහුදු මාර්ගයන් හි ආරක්ෂාව සහතික කිරීමේ වැදගත් කම අවධාරණය කරමින් සමුද්‍රීය ගැටලු පිළිබඳ අන්‍යොන්‍ය කරුණුවලට අදාළ ව ඵලදායී කි‍්‍රයාදාමයක් වන සමුද්‍රිය ආරක්ෂාව පිළිබඳ ශී‍්‍ර ලංකා ජපන් කතිකාව පිහිටුවීමේ වැදගත්කම ගැන අවධාරණය කරයි.
වරාය සංවර්ධනය හා සමුද්‍රීය අධ්‍යයන ක්ෂේත‍්‍රයන් හි වැඩිදුර සහයෝගිතාව පිළිබඳව ජනාධිපතිතුමා තම බලාපොරොත්තුව පළ කළේය.
ජපාන සමුද්‍රිය ස්වයං ආරක්ෂ බලකා නෞකා දෙක සඳහා කොළඹ වරාය තුළ පහසුකම් සැලසීම පිළිබඳ අබේ මහතා ශී‍්‍ර ලංකා රජයට ස්තුතිය පළ කළේය. දෙරටේ නාවික හමුදාවන් අතර සහයෝගිතාවයේ වර්තමාන ප‍්‍රගතිය පිළිබඳව සතුට පළ කළේය.
HC/pmu_Pix by: Sudath Silva
