මේ විහාරස්ථානයේ සංරක්ෂණ කටයුතු කඩිනමින් ආරම්භ කරන ලෙස ජනාධිපතිතුමා මෙහිදී පුරාවිද්‍යා දෙපාර්තමේන්තුවට උපදෙස් දුන්නේය. විහාරස්ථානයේ පැරණි චෛත්‍යයේ කැනීම් කටයුතු ද මේ වන විට සිදු කෙරෙන අතර ජනාධිපතිතුමා එය ද නිරීක්ෂණය කළේය.

අද පෙරවරුවේ විහාරස්ථානයට ගිය ජනාධිපතිතුමා පළමුව එහි බුද්ධ මන්දිරය වෙත ගොස් ආගමික වතාවත්වල නිරත විය.

පසුව විහාරාධිපති පූජ්‍ය කෝප්පකන්දේ සුමනතිස්ස නායක හිමිපාණන් වහන්සේ බැහැ දුටු ජනාධිපතිතුමා උන් වහන්සේගේ සුවදුක් විමසමින් සුහද පිළිසඳරක නිරත විය.

ප්‍රදේශයේ මහා සංඝරත්නය ද මේ අවස්ථාවට වැඩම කර සිටි අතර ජනාධිපතිතුමා උන්වහන්සේලාගේ ද සුවදුක් විමසීය.

ජනාධිපතිතුමාගේ සම්ප්‍රාප්තිය සැලවීමෙන් ප්‍රදේශයේ අති විශාල ජනතාවක් විහාරස්ථානය වෙත රැස් ව සිටියහ.

එම ජනතාව අතරට ගිය ජනාධිපතිතුමා ඔවුන්ගේ තොරතුරු විමසමින් කතා බහක නිරත විය.

මේ අවස්ථාවට අමාත්‍යවරුන් වන ජගත් පුෂ්පකුමාර, සුමේධා ජී. ජයසේන, නියෝජ්‍ය කතානායක චන්දිම වීරක්කොඩි යන මහත්ම මහත්මීහු එක් ව සිටියහ.

NDH/pmu_pix by Udesh Gunarathne