ශ්‍රී ලංකා නිදහස් පක්ෂයේ නිර්මාතෘවරයා වන හිටපු අගමැති දිවංගත එස්.ඩබ්ලිව්.ආර්.ඩී. බණ්ඩාරනායක ශ්‍රීමතාණන්ගේ ගාලු මුවදොර පිටියේ පිහිටි ස්මාරකයේ ප්‍රතිසංස්කරණ කටයුතු සොයා බැලීමට ජනාධිපති මහින්ද රාජපක්ෂ මැතිතුමා අද (31) උදෑසන එහි නිරීක්ෂණ චාරිකාවක නිරත විය.
අද ඌව පළාතේ පැවති වැඩසටහන්වලට සහභාගීවීමට පෙරාතුව ජනාධිපතිතුමා මෙලෙස බණ්ඩාරනායක ස්මාරකයේ ප්‍රතිසංස්කරණ කටයුතු සොයා බැලීම සඳහා එක් විය.
සැප්තැම්බර් 26 වැනිදාට යෙදෙන එස්.ඩබ්ලිව්.ආර්.ඩී. බණ්ඩාරනායක ගුණ සමරු උළෙලට ප්‍රථම සියලු ප්‍රතිසංස්කරණ කටයුතු අවසන් කරන ලෙසද ජනාධිපතිතුමා උපදෙස් දුන්නේය.
ජ්‍යෙෂ්ඨ අමාත්‍ය ඒ.එච්.එම්. ෆවුසි, අමාත්‍යවරුන් වන ඩලස් අලහප්පෙරුම, මර්වින් සිල්වා යන මහත්වරු ඇතුළු පිරිසක් ද මෙම අවස්ථාවට එක් ව සිටියහ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
