අමාත්‍යවරයා මේ බව පැවසුවේ අද (22) පාර්ලිමේන්තුවේදී විපක්ෂ නායක රනිල් වික්‍රමසිංහ මහතා විසින් ස්ථාවර නියෝග 23(2) යටතේ නැගූ ප්‍රශ්නයකට පිළිතුරු දෙමිනි.
නොවැම්බර් 23, 2024
අර්ථසාධක අරමුදලේ නිවාස ණය ලබාගත් අය ණය ක්‍රමවත් ව ගෙවා නැහැ
අගෝස්තු 22, 2014
දැනට ක්‍රියාත්මක වන සේවක අර්ථසාධක අරමුදලේ සාමාජිකයාගේ ශේෂය ඇපයට තබා නිවාස ණය ලබාදෙන ක්‍රමය අනුව ප්‍රතිලාභ ලබාගත් සාමාජිකයන්ගෙන් විශාල ප්‍රමාණයක් ලබාගත් ණය ක්‍රමවත් ව ගෙවා නැති බවත් ඒ නිසා හිඟ ණය වාරික, පොලී හා දඩ මුදල් සියල්ල ඒ ඒ බැංකුවලට සාමාජිකයන්ගේ ශේෂවලින් කපා හැර ඉතුරු මුදල් පමණක් සාමාජිකයන්ට ප්‍රේෂණය කරනු ලබන බවත් කම්කරු අමාත්‍ය ගාමිණී
ලොකුගේ මහතා පවසයි.
ඒ අනුව නව ක්‍රමය සම්බන්ධයෙන් රෙගුලාසි සකස් කර පාර්ලිමේන්තුවේ අනුමැතිය සඳහා ඉදිරිපත් කර තිබේ. මේ නව ක්‍රමය ගැන පරිපාලන හා ප්‍රායෝගික ගැටලු පැන නැගී ඇත. එනම් එක ම සාමාජිකයාගේ නමින් ගිණුම් කිහිපයක් පැවතීමයි. ඒවා ඒකාබද්ධ නොකළ හොත් සාමාජිකයාට අපේක්ෂිත ප්‍රතිලාභය හිමි නොවන බව ද ඔහු පෙන්වා දුන්නේය.
මේ ගැටලුව විසඳීම සඳහා සාමාජිකයාගේ හැඳුනුම්පත් අංකය, සාමාජික ගිණුම් අංකය බවට පත්කිරීමේ හා සාමාජිකයාගේ ඇඟිලි සලකුණු විද්‍යුත් ක්‍රමයට රැස්කිරීමේ ව්‍යාපෘතියක් ක්‍රියාත්මක වෙමින් පවතී. මේ කාර්යය සඳහා සාමාජිකයාගෙන් හා සේවායෝජකයාගෙන් ලැබෙන සහය ප්‍රමාණවත් නොවන නිසා අදාළ ව්‍යාපෘතිය කඩිනමින් අවසන් කිරීමට බාධාවක් වී ඇත. කෙසේ වෙතත් ඉතා ඉක්මනින් මේ කටයුතු අවසන් කරන බව ද ඔහු කීය.
ඒ අනුව 2012 අංක 2 දරන සේවක අර්ථසාධක අරමුදලේ සංශෝධිත පනත මඟින් යෝජිත 30%ක ප්‍රතිලාභය ලබාදීම සේවක අර්ථසාධක අරමුදල මඟින් සිදු කරන අතර ඒ සඳහා ප්‍රමාණවත් මුදල් අරමුදල සතුව පවතී. ඒ අනුව සේවක අර්ථසාධක අරමුදලේ සාමාජිකයන් හට ප්‍රතිලාභ ලබාදීම සඳහා රජයට මුදල් පවතීද නැද්ද යන්න අදාළ නොවන බවත් අමාත්‍යවරයා අවධාරණය කළේය.
NDH/HC
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
